Vidi fonton por 2-23. Monaĥina komunumo

　　2-23. Monahxina komunumo

　　En la kvina jaro post sia iluminigxo la Budho restis en Vesali kiam li auxdis, ke lia patro Regxo Sudodana malsanigxis. Li decidis denove viziti la patron en Kapilavatu por instrui la Darmon al li kaj tuj faris longan vojagxon. Auxdinte la Darmon, la regxo tuj atingis arahanton kaj forpasis trankvile post sep tagoj. Gxuste en tiu jaro fondigxis la monahxina komunumo laux la peto de Maha Pagxapati Gotami, la onklino kaj duonpatrino de la Budho.

　　Maha Pagxapati Gotami iris al la Budho trifoje kaj petadis, ke li ordinu sxin en la Samgon, sed la Budho rifuzis cxiufoje sen mencii la kauxzon. La Budho vojagxis al Vesali post kiam li restis en Kapilavatu dum iom da tempo.

　　Maha Pagxapati Gotami estis firmvola virino kaj ne volis cedi tiel facile. Sxi havis planon por atingi sian sukceson. Sxi fortrancxis siajn harojn, surmetis flavan veston kaj piediris 150 mejlojn de Kapilavatu al Vesali cxirkauxate de multaj Sxakjaj sinjorinoj. Kiam sxi atingis Vesali, sxiaj piedoj sxveligxis kaj sxia korpo estis kovrita de polvo. Kun larmoj sur la vizagxo sxi staris ekster la halo, en kiu estis la Budho, ankoraux esperante, ke la Budho ordinu sxin kiel monahxinon.

　　Ananda surprizigxis vidinte sxin en tiu cxi situacio. “Gotami, kial vi tiel staras cxitie?” li demandis.

　　“Estimata Ananda, la Honorulo ne permesas virinojn farigxi monahxinoj,” sxi respondis.

　　“Atendu cxitie, Gotami. Mi petos la Honorulon pri tio.” Ananda diris al sxi. Kiam Ananda petis la Budhon permesi al Maha Pagxapati Gotami fari monahxino, la Budho rifuzis. Ananda petis tri fojojn kaj la Budho rifuzis cxiufoje. 

　　Do Ananda petis laux malsama metodo. Li respekte demandis al la Budho, “Sinjoro, cxu virinoj kapablas atingi diversajn sxtupojn de sankteco kiel monahxinoj?”

　　“Jes, ili kapablas, Ananda,” respondis la Budho.

　　“Se tio estas vera, Sinjoro, estas bone ke virinoj povas farigxi monahxinoj,” diris Ananda, kuragxigite de la respondo fare de la Budho.

　　“Ananda, se Maha Pagxapati Gotami volontas akcepti monahxinajn regulojn pri la Ok Kondicxoj, sxi estos kalkulita kiel ordinita monahxino.

　　Kiam Ananda parolis pri la Ok kondicoj al Maha Pagxapati Gotami, sxi gxojplene konsentis observi tiujn regulojn kaj auxtomate farigxis monahxino. Nelonge poste sxi atingis arahanton. La aliaj Sxakjaj sinjorinoj ordinitaj ankaux atingis arahanton.

　　La fondigxo de monahxina komunumo kun reguloj estis oportuno, kiun la Budho provizis al virinoj por la unua fojo en la monda historio. Neniu el aliaj religiaj estroj donis tiel altan religian pozicion al virinoj.