Vidi fonton por 2-17. Adorado en ĉiuj direktoj

　　2-17. Kultado al cxiuj direktoj

　　Instruo pri homa devo

　　Iumatene la Budho forlasis Monahxejon Bambuaro kaj iris en Urbon Ragxagaha. Dum sia almozpetado li vidis, ke junulo nomata Sigala tute malsekgxis kvazaux li jxus sin banus. Sigala faris kulton en cxiuj kvar direktoj al la oriento, sudo, okcidento kaj nordo. Li faris kulton al la cxielo supre kaj tero sube. Vidinte tion, la Budho haltis kaj demandis al li, kion li faras.

　　"Tio estas la lasta volo de mia patro antaux lia forpaso," respondis Sigala, "Mia patro konsilis min adori al cxiuj direktoj por forteni min de malbonaj aferoj el la kvar direktoj kaj el supre kaj malsupre." La Budho pensis pri tio kaj diris: "Estas prave tion fari por plenumi la lastan volon de via patro, sed ne prove komprenu la konsilon de via patro nur lauxvorte. Via patro tute ne intencis, ke vi vere faru kultadon laux tiu cxi maniero." Poste, la Budho eksplikis la veran signifon pri la kultado al cxiuj direktoj:

　　"Kultado al la oriento signifas respekti kaj honori viajn gepatrojn.

　　Kultado al la sudo signifas respekti kaj obei viajn instruistojn. 

　　Kultado al la okcidento signifas esti fidela kaj sindedicxema al via edzino. 

　　Kultado al la nordo signifas esti afabla kaj helpema al viaj amikoj, parencoj kaj najbaroj.

　　Kultado al la cxielo signifas prizorgi la materialan bezonon de religiuloj kiel monahxoj kaj asketoj.

　　Kultado al la tero signifas esti justa al viaj servistoj, donante al ili laboron laux ilia kapablo, pagante al ili justan salajron kaj provizante al ili medicinan helpon kiam ili malsanigxas.

　　Tion farante, oni povas sin forteni de malbonajxoj".

　　La Budho ankaux admonis Sigala eviti kvar malbonajn kondutojn.

　　"Estas kvar malbonaj kondutoj evitindaj," li diris, "Ili estas mortigo, sxtelado, seksa miskonduto kaj mensogo."

　　La Budho dauxre parolis al Sigala: "Estas kvar malbonaj motivoj, pro kies kauxzo oni faras malbonajn kondutojn. Ili estas partieco, malamikemo, malsagxo kaj malkuragxo."

　　"Kaj fine, Sigala, vi devas eviti la ses manierojn malsxpari vian havajxon. Ili estas drinkado, toksigxemo, maldiligenteco, vagado gxis profunda nokto, malsxparo de tempo cxe foiro kaj penso pri amuzigxo, vetludo kaj kunestado kun malbonaj amikoj."

　　Juna Sigala auxskultis la konsilon respektoplene kaj subite rememoris, ke lia patro ofte diris al li, kiel bona instruisto estas la Budho. Kvankam la maljunulo ofte klopodis, ke Sigala iru kaj auxskultu la instruon de la Budho, Singala cxiam rifuzis per pretekstoj, ke tio estas tro malfacila, ke li okupigxas pri io alia, ke li estas tro laca aux ke li ne havas monon por doni al monahxoj.

　　La junulo konfesis tion al la Budho kaj petis, ke la Budho akceptu lin kiel sian sekvanton. Li promesis, ke ekde tiam li ne nur tenos la volon de sia patro en la memoro sed ankaux plenumos gxin en la gxusta maniero instruita de la Budho.