Vidi fonton por 2-20. La kverelado ĉe Kosambi

　　2-20. La kverelado cxe Kosambi

　　En la nauxa jaro post sia iluminigxo, la Budho vivis en Kosambi. Kiam li estis tie, okazis kverelado inter du partioj de monahxoj. Unu partio konsistis el spertuloj pri disciplina kodo aux vinajaj reguloj dum la aliaj estis spertuloj pri la Darmo aux la instruoj.

　　La Budho klopodis laux multaj metodoj por pacigi la kvereladon, sed fine, post kiam cxiuj siaj klopodoj malsukcesis, li forlasis ilin senvorte kun siaj bovlo kaj roboj kaj retirigxis al la Pailejaka Arbaro.

　　Dum la Budho logxis en la arbaro, elefanto zorgis pri liaj bezonoj. Gxi purigis liberan lokon en la arbaro, meze de kiu situis sxtona kaverno. Cxiutage la elefanto alportis fruktojn kiel oferajxojn al la Budho. Vidinte la elefanton prezentante sian oferajxon, similio alportis abelejon kiel sian oferajxon iutage.

　　Samtempe, homoj de Kosambi trovis, ke la Budho foriris sole al Pailejaka Arbaro pro la kverelado inter la monahxoj. Kiam ili sciis pri tio, ili ne plu oferis almozon al la monahxoj. La informo pri tio atingis Anandan en Savati. En la fino de la pluva sezono Ananda speciale vizitis la Budhon kaj informis lin, ke auxdi lian Darmon deziras la homoj, precipe tiuj en Savati. Tiel la Budho revenis al Savati konvinkite kaj post iom da tempo, la kverelantaj monahxoj venis por peti la indulgon de la Budho. Pro la kverelado en Kosambi, la Budho faris instruon, en kiu li diris:

　　“Oni devas kontakti kun la sagxuloj, sed ne la malsagxuloj.

　　Estus pli bone vivi sole se ni ne povas trovi gonajn amikojn.

　　Ne estas amikeco kun la malsagxuloj.”