Vidi fonton por 2-8. La Budho kaj farmisto

　　2-8. La Budho kaj farmisto

　　Iam la Budho estis en la vilagxo de Ekanala en Magada. Pluvis kaj estis tempo por semado. Frumatene, kiam la folioj ankoraux estis malsekaj pro roso, la Budho iris al la kampo kie laboris Kasibaradvagxa, bramano kaj farmisto, kun laborantoj de kvincent plugiloj. La Budho atingis je la tempo por la bramano disdoni mangxajxojn al siaj laborantoj. La Budho atendis, ke iu donos mangxajxon. Sed kiam la bramano vidis la Budhon, li mokis kaj diris: “Mi plugas kaj semas, kaj jam plugis kaj semis, do mi mangxas. Asketo, vi ankaux devas kaj devis plugi kaj semi por mangxi.”  

　　“Bramano, ankaux mi plugas kaj semas,” respondis la Budho. “Kaj jam plugis kaj semis, do mi mangxas.”

　　La konfuzita bramano diris: “Vi asertis, ke vi plugas kaj semas, sed mi neniam vidis vin pluganta.”

　　La Budho respondis: “Mi semas kredon kiel semojn. Mia disciplino estas la pluvo. Mia sagxo estas mia jugo kaj plugilo. Mia modesteco estas la koltro. La menso estas sxnuro. Atentemo estas la soko kaj vipo. Mi estas sindetena al miaj kondutoj, paroloj kaj mangxajxoj. Mi semis kun vereco. La felicxo gajnita de mi estas liberigxo el suferado. Kun persisteco mi portis mian jugon gxis atingo de nirvano. Mi jam tiel plugadis. La laboro donis rikolton de senmorteco. Tiel plugante oni fugxas el cxiuj suferoj.”

　　Post la eksplikado de la Budho, la bramano konsciis sian eraron kaj diris: “Bonvolu mangxi laktan rizon, Estimata Gotamo! La estimata Gotamo estas farmisto cxar liaj plantajxoj donos frukton de senmorteco! Dirante, la bramano plenigis grandan bovlon per lakta rizo kaj oferis gxin al la Budho.

　　La Budho rifuzis la mangxajxon, dirante, ke li ne akceptas mangxajxon sxangxitan per siaj instruoj.

　　La bramano genuigxis cxe la piedoj de la Budho kaj petis, ke li ordinigxu en monahxa komunumo. Post nelonge, Kasibaradvagxa farigxis arahanto.