Vidi fonton por 2-4. Visaka, granda subtenantino

　　4. Visaka, granda subtenantino

　　Visaka estis pia kaj malavara filino de milionulo. Kiam sxi estis nur sep-jara, la Budho vizitis sxian hejmlokon. Auxdinte la viziton de la Budho, sxia avo ordonis sxin eliri kaj inviti la Budhon. Kvankam sxi estis infano, sxi estis pia kaj virta. Do tuj post auxdo de la Budha Darmo, sxi atingis la unuan sxtupon de sankteco.

　　Kiam sxi estis dekkvin-jara, kelkaj bramanoj vidis sxin kaj pensis, ke sxi estos ideala edzino por ilia mastro Punavadana, la filo de milionulo nomata Migara. Visaka posedis kvin virinajn belecojn: juneco, belaj haroj, bela hauxto glata kaj ora, bela figuro kaj bela oststrukturo. Do ili edzinigis sxin al Punavadana.

　　En sxia geedzigxa tago, sxia sagxa patro donis al sxi konsilojn en jenaj dek temoj.

　　1. Edzino nek rajtas kritiki siajn bogepatrojn kaj edzon antaux homoj nek rajtas raporti iliajn mankojn aux familiajn kverelojn ekstere.

　　2. Edzino ne rajtas auxskulti rakontojn aux raportojn de aliaj familioj.

　　3. Sxi rajtas pruntedoni objektojn al tiuj, kiuj redonos ilin.

　　4. Sxi ne rajtas pruntedoni objektojn al tiuj, kiuj ne redonos ilin.

　　5. Sxi devas helpi malricxajn parencojn kaj amikojn ecx se ili ne povos repagi sxin.

　　6. Edzino devas sidi gracie. Vidinte siajn bogepatrojn aux edzon, sxi devas respekti ilin per starigxo el la sidejo.

　　7. Mangxonte, edzino devas unue certi, ke sxiaj bogepatroj kaj edzo jam havas mangxajxon. Sxi ankaux devas certi, ke liaj servantoj estas bone prizorgitaj.

　　8. Antaux la enlitigxo, edzino devis certi, ke cxiuj pordoj estas fermitaj, mebloj estas sekuraj, servantoj jam plenumis sian devon, kaj la bogepatroj jam ekripozis. Edzino devis ellitigxi frue en la mateno lauxregule se sxi ne estas malsana. Sxi ne rajtas dormi dum la tago.

　　9. Sxi devas bone prizorgi siajn bogepatrojn kaj edzon tiel bone kiel fajron.

　　10. Sxi devas respekti al siaj bogepatroj kaj edzo kiel al cxielanoj.

　　Ekde kiam Visaka atingis Savati, la urbo de sia edzo, sxi estis bonkora kaj malavara al cxiuj en la urbo, kaj ankaux placxis al cxiuj.

　　Iutage, sxia bopatro estis mangxanta dolcxan rizkacxon en ora bovlo kiam monahxo eniris la domon por almozpeti. Kvankam la bopatro vidis la monahxon, li dauxre mangxis kvazaux li ne vidus lin. Visaka diris al la monahxo gxentile: “Bonvolu iri al alia domo, Estimata sinjoro. Mia bopatro mangxas putran mangxajxon.”

　　La bopatro de Visaka malsxatis sxin delonge cxar sxi estis pia sekvantino kaj subtenis la Budhon, sed li ne. Li cxiam volis trovi oportunecon por rompi la geedzecon inter sia filo kaj Visaka, sed sxia konduto estis senmanka. Nun li vidis sian sxancon. Kun miskompreno al la vortoj de Visaka, li pensis, ke sxi humiligis lian familion.

　　Li ordonis, ke oni forpelu Visakan el la domo, sed sxi atentigis lin pri la postulo de sia patro al la ok samgentanoj. Sxia patro iam diris al ili: “Se mia filino havas iun ajn kulpon, faru enketon pri gxi.”

　　La milionulo konsentis pri sxia postulo kaj kunvenigis la ok samgentanoj por enketi, cxu Visaka kulpis pro krudeco. Kiam ili atingis, li sxtele diris al ili: “Trovu sxian pekon el tiu cxi kulpo kaj forpelu sxin el la domo.”

　　Visaka pruvis sian senkulpecon per eksplikado: “Sinjoroj, kiam mia bopatro ignoris la monahxon kaj dauxre mangxis sian kacxon el lakto kaj rizo, li ne faris meriton en sia nuna vivo. Li nur gxuis la meritojn de siaj antauxaj kondutoj. Cxu tio ne similas al mangxado de putra mangxajxo?”

　　Sxia bopatro povis fari nenion ol konsenti, ke sxi ne estas kulpa pri krudeco.

　　Estas aliaj miskomprenoj post tio, sed Visako povis ekspliki laux la kontenteco de la bopatro. Post tiuj okazajxoj, sxia bopatro ekkomprenis sian eraron kaj vidis la grandan sagxon de Visaka. Li invitis la Budhon al sia domo laux sxia propono por peti instruojn. Auxdinte la predikadon de la Budho, li farigxis sotapana, kio estas la unua sxtupo de sankteco.

　　Kun sagxo kaj pacienco sxi sukcese konvertis la edzan familion en felicxan budhisman familion. Visaka estis ankaux tre oferema kaj helpema al monahxoj. Sxi konstruigis Pubaraman Monahxejon por monahxoj per granda elspezo. Kiam la Budho pasigis ses pluvajn sezonojn tie, sxi tre gxojis.

　　En unu el la predikadoj al Visaka, la Budho parolis pri la ok virinaj kvalitoj kondukantaj ricxecon kaj felicxon en tiu cxi mondo kaj la sekvaj. Li diris: “Visaka, tio estas, ke virino bone faras sian laboron, administras servantojn, respektas sian edzon kaj gardas lian havajxon. Tio estas, ke virino havas virtecon  (sila), filantropemon kaj sagxon (panna) kun kredo (saddha) en la Budho, Darmo kaj Samgo.”

　　Estante virino kun multaj talentoj, Visaka havas gravan rolon en diversaj aktivadoj kun la Budho kaj liaj sekvantoj. La budho donis al sxi previlegion por solvi disputojn inter la monahxinoj je la okazo. Kiam oni invitis sxin por solvi la problemojn de kverelado, kelkaj vinajaj reguloj de disciplinoj estis estigitaj por monahxinoj.

　　Visaka forpasis nature en la agxo de cent dudek jaroj.