Vidi fonton por 1-27. La rakonto de malriĉa Ŝopaka

　　27. La rakonto de malricxa Sxopaka

　　Iam en tre malricxa familio naskigxis knabo nomata Sxopaka. Kiam li estis sepjara, lia patro mortis kaj lia patrino edzinigxis al alia viro, kiu estis tre malica kaj kruela. Lia nova duonpatro cxiam batis kaj insultis malgrandan Sxopakan, kiu estis tre bonkora, senkulpa kaj bona.

　　La duonpatro pensis: “Tiu cxi knabacxo estas abomeninda sentauxgulo, sed mi povas fari nenion kontraux li cxar lia patrino tre amas lin. Kion mi faru kontraux li?”

　　Iuvespere li diris: “Kara filo, ni iom da promenu.”

　　La knabo surprizigxis kaj pensis: “La duonpatro neniam tiel bonkore parolis al mi. Eble mia patrino petis lin esti bonkora al mi.” Do li gxojplene eliris kun la duonpatro.

　　Ili iris al tombejo, kie estis multaj putraj kadavroj. La duonpatro ligis Sxopakan al unu el ili, lasante lin sola kaj ploranta.

　　Ju pli mallumigxis, des pli timis Sxopaka. Li restis sola en la tombejo kaj tiel terurigxis, ke liaj haroj starigxis kaj sxvitoj fluis de lia korpo. La bruo de sxakaloj, tigroj, leopardoj kaj aliaj sovagxaj bestoj faris lin despli terurigitaj. Kiam li preskaux paralizigxis pro timo, li vidis, ke homo kun nobla mieno kaj brila lumo iras al li kaj diris: “Ne ploru, Sxopaka. Mi venis por helpi vin, do ne timu.” Tiam Sxopaka rompis sian ligilon kaj trovis sin staranta antaux la Budho en Gxetavana Monahxejo. La Budho banis lin, donis al li mangxajxon kaj veston, komfortigis kaj konsolis lin.

　　Samtempe, reveninte hejmen, la malica duonpatro ricevis demandon de la patrino de Sxopaka. “Kie estas mia filo?” Sxi demandis. “Mi ne scias,” li respondis, “li revenis hejmen antaux mi.” La patrino ne povis endormigxi tutan nokton pro maltrankvileco pri sia filo.

　　Frue en la sekva tago sxi iris peti helpon de la Budho. “Kial vi ploras, fratino?” demandis la Budho.

　　“Sinjoro,” respondis la virino, “Mi havas solan filon, kaj li perdigxis en la lasta nokto. Mia edzo promenis kun Sxopaka kaj la malgranda knabo neniam revenis hejmen.”

　　“Ne maltrankviligxu, fratino. Via filo estas sekura. Jen li estas.” Dirante, la Budho montris al sxi Sxopakan, kiu jam farigxis monahxo. La patrino gxojegis denove vidinte sian karan filon. Auxdinte la instruon de la Budho, ankaux sxi farigxis lia sekvantino.