Vidi fonton por 1-22. Hejmenreveno

　　22. Hejmenreveno

　　Kiam Regxo Sudodana eksciis, ke la Budho instruas en Ragxagaha, li sendis naux senditojn sinsekve por inviti lin al Kapilavatu. Tamen cxiuj senditoj farigxis monahxoj. Ili auxskultis la instruon de la Budho kaj sin trovis tiel allogitaj, ke ili forgesis transdoni la mesagxon de la regxo.

　　La regxo faris arangxon, por ke la Budho restu en parko nomata Nigroda. Sed cxar la Budho ne atingis, la regxo sendis Kaludaji, deinfaneca amiko de la Budho, por inviti lin reveni al Kapilavatu.

　　Kiam homoj de Kapilavatu trovis, ke la Budho jam venis al ilia urbo, ili svarmis por vidi lin. Ankaux la parencoj de Regxido Sidarto venis kaj diris, “Li estas nia plijuna frato, nia nevo, nia nepo.”

　　Tiam la Bodho konsciis, ke ecx tiam iuj homoj ankoraux ne komprenas, ke li jam iluminigxis, sed opinias, ke ili estas liaj pliagxuloj. Li montris al ili miraklon nomatan “Gxemelan miraklon”. Vidinte tion, ecx la regxo adoris lin.

　　En la sekva tago la Budho portis sian almozbovlon kaj petis mangxajxon de domo al domo. Vidinte tion, la regxo ege cxagrenigxis. “Kial vi malhonorigas min, mia filo? Kial vi tiel pereigas min? Kiam vi ne prenas mangxon en la palaco? Cxu estas konvene por vi peti mangxajxon en tiu cxi urbo, kie vi kutime veturis en ora portsego? Kial vi humiligas min, mia kara filo?” 

　　“Mi ne humiligas vin, Granda Regxo. Tio estas nia kutimo,” respondis la Budho trankvile.

　　“Kiel vi povas tiel agi? Neniu en nia familio tiel almozpetis. Kiel vi povas diri, ke tio estas via kutimo?” demandis la konfuzita regxo.  

　　“Granda Regxo, tio ne estas la kutimo de la regxa familio, sed de la budhoj. cxiuj antauxaj budhoj sin vivitenis per akceptado de mangxajxoj en tiu cxi maniero.”

　　Sed kiam la regxo petis la Budhon mangxi en la palaco, la Budho akceptis la peton bonkore.