Vidi fonton por 1-19. La unuaj kvin monaĥoj

　　19. La unuaj kvin monahxoj

　　Nun la budho volis sciigi al aliuloj, kiel farigxi sagxa, konduti bone kaj servi al aliaj. Li pensis: “Nun jam mortis Asita, Aklara kaj Udaka, sed miaj amikoj Kondana, Badija, Vapa, Mahanama kaj Asagxi estas en Benareso. Mi devas iri tien por diri al ili.”

　　Do li foriris al Benareso, gxis fine li atingis la arbaron, kie praktikis liaj kvin amikoj. La arbaro cxe Sarnaso estas nomita Cervo Parko. Ili vidis lin aliranta kaj unu diris al alia: “Rigardu tien! Jen estas la luksoama Gotamo, kiu rezignis fastadon kaj refalis en vivon facilan kaj komfortan. Ne parolu nek montru respekton al li. Neniu iru preni lian bovlon aux robon. Ni nur lasu maton tie por li sidi se li volas, kaj se li ne volas, li do staru. Kiu prizorgos sentauxgan asketon kiel lin!”

　　Sed kiam la Budhgo iris pli kaj pli proksime, ili ekrimarkis, ke li sxangxigxis. Cxirkaux li estis io nobla kaj majesta, kian ili neniam vidis antauxe. Antaux ol ili eksciis, kion fari, ili forgesis sian decidon pretervole. Iu hastis antauxen por bonvenigi lin kaj respete prenis liajn bovlon kaj robon, alia okupigxis pretigi sidejon por li, dum la tria elhastis kaj alportis akvon por li lavi siajn piedojn.

　　Sidigxinte, la Budho ekparolis al ili kaj diris: “Auxskultu, asketoj. Mi havas vojon al senmortigxo. Lasu min diri al vi. Lasu min instrui al vi. Se vi auxskultos, lernos kaj praktikos laux mia instruo, anstataux en la estonta vivo, vi scios per vi mem cxi tie nur en la nuna vivo, ke mia diro estas vera. Vi spertos per vi mem la staton ekster cxiuj vivo kaj morto.” 

　　Kompreneble la kvin asketoj ege miris auxdinte sian malnovan kamaradon tiel paroli. Ili kredis, ke li jam rezignis cxiujn klopodojn sercxantajn la veron cxar ili vidis, ke li rezignis malfacilan asketan vivon. Do en la komenco ili nur ne povis kredi lin, kaj ili diris tion al li.

　　Sed la Budho respondis: “Vi eraras, Asketoj. Mi ne rezignis cxiujn klopodojn. Mi nek prenis libervolan, komfortan kaj facilan vivon. Auxskultu min. Mi vere atingis la plej superajn sagxon kaj vidon. Kaj mi povas instrui gxin al vi, tiel ke vi povos atingi gxin per vi mem.

　　Fine la kvin volonte auxskultis lin, kaj li faris sian unuan instruadon. Li konsilis al sianj sekvantoj, ke ili sekvu la mezan vojon, eviti du ekstremojn de libervolo kaj sin-turmento. Unuafoje li instruis pri Kvar Noblaj Veroj kaj kiel praktiki la Okoblan Vojon, kiu estas la vojo al iluminigxo, kaj kondukas al liberigxo de sufero. Per la konversacio de kvin asketoj cxe en Cerva Parko cxe Sarnaso, la rondo de monahxoj establigxis.