Vidi fonton por 1-3. La nomuma ceremonio

　　3. La nomdona ceremonio

　　Regxo Sudodana havis maljunan instruiston tre faman pro la sagxo. Li nomigxis Asita la sagxulo, kaj vivis en gxangalo. Iutage, kiam li sidis meditante, li auxdis kanton kaj vidis dancon de la cxielanoj. “Kial vi estas tiel gxojaj?” li demandis. “Cxar la plej eksterordinara vivestajxo en la mondo jam naskigxis al Regxino Maha Maja en Parko Lumbini,” respondis la cxielanoj. Informigxinte pri tio, Asita tuj hastis al la regxo, regxino kaj novnaskita bebo.

　　La regxo tre gxojis vidinte sian sagxan maljunan instruiston denove. Post la sidigxo de la sagxulo en la palaco, la regxo portis la regxidon antaux lin kaj diris, “Instruisto, mia filo naskigxis nur hieraux. Jen li estas. Bonvolu vidi, cxu li havos bonan estontecon.”

　　Tion dirinte, la regxo mallevis la regxidon antaux la sagxulo por ke li esploru lin zorgeme. Sed la bebo movis siajn piedojn sur la kapon de la sagxulo. Surprizite, Asita prenis la piedojn de la bebo kaj ekzamenis ilin tre atente. Vidinte makulojn sur la plandoj de la regxido, li starigxis kaj diris: “La regxido farigxos tre granda instruisto en tiu cxi mondo.” La sagxulo tiel plezurigxis, ke li kunmetis siajn manplatojn kaj esprimis sian respekton al la juna regxido. Vidinte tion, la regxo ankaux faris la samon. Tio estis la unua saluto de la regxo.

　　En la kvina tago de la regxido, la regxo invitis kvin sagxulojn por atesti la nomdonan ceremonion kaj proponi bonan nomon por la regxido. La sagxuloj esploris la denaskajn makulojn de la regxido kaj konkludis, “La regxido farigxos la  Regxo de Regxoj se li volas regi la mondon. Se li elektos religian vivon, li farigxos Budho, la plej granda sagxulo.”

　　“La regxido farigxos nenio alia krom la Budho.” diris Kondana, la plej juna el la kvin sagxuloj. 

　　Tiam la sagxuloj nomis lin Sidarto kun senco “plenumita deziro” aux “tiu, kiu plenumis sian celon.”