Vidi fonton por 84. Demando de Sep-jara Knabo

　　84. Demando de Sep-jara Knabo

　　[Ses Valoraj Metodoj]

　　Iam antauxe ricxulo vivis en Benareso de norda Hindio. Li havis filon, kiu estis tre inteligenta, scivolema kaj lernema. La knabo decidis eltrovi, kio estas vere valora, kvankam li estis nur 7-jara.

　　Iutage la malgranda knabo demandis sian patron: "Kiel ni gajnu la plej valorajn aferojn en la homa vivo?"

　　Lia patro respondis: "Nur valoraj metodoj kondukas al valoraj celoj. Jen ses valoraj metodoj:

　　Tenu vin sana kaj forta;

　　estu racia en cxiu okazo;

　　auxskultu tiujn, kiuj havas pli da spertoj;

　　lernu de tiuj, kiuj havas pli da scio;

　　vivu laux la Vero;

　　agu kun sincereco, sed ne nur kun energio."

　　La knabo atente auxskultis la vortojn de la patro. Ekde tiam li strebis praktiki tiuj metodojn. Kiam li plenkreskis kaj farigxis sagxulo, li ekkonsciis, ke la ses valoraj metodoj estas la plej gravaj kaj nedisigeblaj aferoj en la homa vivo.

　　La moralinstruo estas: "Serioza demando meritas seriozan respondon."