Vidi fonton por 74. Novaj Hejmoj de la Arbaj Feoj

　　74. Novaj Hejmoj de Arbaj Feoj

　　[Sagxa Konsilo]

　　Iam la Regxo de Arbaj Feoj mortis kiel cxiuj aliaj vivestajxoj. Regxo Sakao, la reganto de Cxielo 33, nomumis novan regxon de Arbaj Feoj. Kiel sia unua oficiala ago, la nova regxo publikigis ordonon, ke cxiu arba feo elektu arbon por enlogxi, kaj samtempe, ke cxiu arbo plezurigxu kun sia fea enlogxanto.

　　Vivis sagxa arba feo, kiu estis estro de granda klano. Li proponis al siaj membroj de la klano ne logxi en la dise starantaj arboj. Anstatauxe estis pli sekure vivi en densaj arboj cxe li. La sagxaj arbaj feoj eklogxis en la arbaro proksime al sia estro.

　　Sed iuj arbaj feoj estis malsagxaj kaj arogantaj. Ili diris inter si: "Kial ni devas logxi en grupo? Ni iru al vilagxoj, urbetoj kaj urboj logxataj de homoj. Arbaj feoj logxantaj tie ricevas la plej bonajn oferajxojn. Kaj ili ecx ricevas adoradon de supersticxaj lokanoj. Kian vivon ni gxuos tie!"

　　Do ili iris al vilagxoj, urbetoj kaj urboj, kaj translogxigxis en dise starantaj arbegoj prizorgataj de homoj. Poste okazis granda sxtormo en iu tago. La vento blovegis forte kaj furioze. La grandaj kaj pezaj arboj kun brancxoj maljunaj kaj malmolaj ne plu povis stari firme en la sxtormo. La dikaj brancxoj disfalis, arbotrunkoj rompigxis en du partojn, kaj iuj arboj ecx elradikigxis. Sed la arboj en la arbaro interapogis unuj al aliaj, kaj povis klinigxi kaj subteni reciploke en la forta vento. Do ili nek rompigxis, nek falis.

　　Detruigxis la hejmoj de la arbaj feoj en la vilagxoj, urbetoj kaj urboj. Ili kunigis siajn infanojn kaj reiris al la arbaro. Ili plendis al la sagxa klanestro pri siaj malfelicxoj sur la disaj arbegoj en la homa regiono. Li diris: "Tio okazis al la arogantuloj, kiuj ignoras la sagxan admonon kaj foriris per si mem."

　　La moralinstruo estas: Malsagxuloj surdas al sagxaj vortoj.