Vidi fonton por 99, 101. Atingi Nenion

　　99, 101. Atingi Nenion

　　[Nenio]

　　Iam antauxe la Bodisatvo, la Iluminigxinto, naskigxis en superklasa familio de norda Hindio. Post kiam li elkreskis, li rezignis la ordinaran deziron de cxiutaga mondo kaj farigxis sanktulo. Li iris al la Himalajaj montaroj, kie 500 aliaj sanktuloj farigxis liaj lernantoj.

　　Li meditis dum sia longa vivo. Li gajnis supernaturajn povojn kiajn flugadon tra la aero kaj konon al pri onia penso seninterparole. Tiuj specialaj povoj ege impresis liajn 500 lernantojn. 

　　En pluva sezono la cxeflernanto kondukis 250 membrojn el la sanktuloj en montaran vilagxon por kolekti salon kaj aliajn bezonajxojn. Hazarde tiam estis tempo por morto de la majstro. La 250 lernantoj, kiuj ankoraux restis cxe li, konsciis tion. Do ili demandis lin: "Ho, plej sankta majstro, kio estas via plej granda atingo dum viaj vivlongaj praktikadoj de bonkonduto kaj meditado?"

　　Estas malfacile por li paroli dum je la morta antecmomento, la lastaj vortoj de la Iluminigxinto estis: "Nenio." Poste li renaskigxis en cxiela mondo.

　　Revinte auxdi pri ia fantazia magia povo, la 250 lernantoj tute malesperigxis. Ili diris inter si mem: "Post la vivlongaj praktikadoj de bonkonduto kaj meditado, nia kompatinda majstro atingis 'nenion'." Cxar ili opiniis lin malsukcesa, ili bruligis lian kadavron sen specialaj ceremonio, honoro kaj ecx respekto.

　　Post kiam la cxeflernanto revenis, li demandis: "Kie estas la sanktulo?" "Li mortis," ili diris al li. "Cxu vi demandis pri lia plej granda atingo?" "Kompreneble ni demandis," ili respondis. "Kaj kion li diris?" demandis la cxeflernanto. "Li diris, ke li atingis 'nenion'," ili respondis, "do ni ne celebris lian funebron kun specialaj honoroj."

　　La cxeflernanto diris: "Vi fratoj ne komprenas la signifon de la instruisto. Li jam atingis grandan sagxon de 'Nenio'. Li konsciis, ke la nomo de aferoj ne estas la vero. Ekzistas ekzisteco sen nomo de 'cxi tiu afero' aux 'tiu afero'. Ne ekzistas 'afero'." Tiamaniere la cxeflernanto klarigis la mirindan atingon de ilia granda majstro, sed ili ankoraux ne kaptis la veran sencon.

　　Samtempe el sia cxiela mondo, la renaskigxinta Iluminigxinto vidis, ke oni ne akceptis la klarigon de lia antauxa cxeflernanto. Do li forlasis la cxielan mondon kaj aperis en la aero super la monahxejo de siaj antauxaj lernantoj. Lauxdante la sagxon de la cxeflernanto, li diris: "Tiu, kiu auxdas la Veron kaj komprenas gxin per si mem, estas multe pli bona ol cent malsagxuloj, kiuj elspezas cent jarojn en vana pensado."

　　Tiel predikante la Grandulo kuragxigis la 500 sanktulojn dauxrigi la sercxadon de Vero. Post vivlonga serioza meditado, cxiuj 500 discxiploj mortis kaj naskigxis en la sama cxiela mondo kiel sia antauxa majstro.

　　La moralinstruo estas: Auxskultu kiam parolas la sagxulo!