Vidi fonton por 71. Kolektinto de Malseka Brulligno

71. Kolektanto de malseka brulligno
[Mallaboremo]

　　Iam antauxe estis mondfama instruisto kaj sanktulo en urbo Takasila. Li havis cxe si 500 lernantojn.

　　Iutage tiuj 500 lernantoj iris en arbaron por kolekti brullignon. Unu el ili renkontis senfolian arbon. Li pensis: "Kiel fortuna mi estas! Tiu cxi arbo eble estas morta kaj seka, perfekta por la brulligno. Pro kio mi urgxas? Mi dormetos dum aliaj okupigxos sercxante la brullignon. Do li sternis sian jakon sur la teron, kusxigxis kaj baldaux endormigxis ronkante lauxte.

　　Poste cxiuj aliaj lernantoj portis siajn brullignajn faskojn al Takasila. Ili trapasis la ronkantan dormanton sur sia vojo. Ili piedbate vekis lin kaj diris: "Vekigxu! Estas tempo por reveni al nia instruisto."

　　La mallaborema lernanto subite vekigxis kaj frotis al si la okulojn. Ankoraux kun dormemo, li grimpis sur la arbon. Li derompis la brancxojn kaj trovis, ke ili efektive estis verdaj, tute ne sekaj. Kiam li derompis brancxon, gxi resaltis kaj trafis lin je la okulo. Li kolektis faskon da verda brulligno, kovrante sian okulon per unu mano. Poste li portis gxin al Takasila, kuratingante la aliajn. Li revenis plej malfrue, kaj jxetis sian brullignan faskon sur la supron de brulligna stako.

　　Samtempe al ili venis invito pri religia ceremonio, kiu okazis sekvan tagon en malproksima vilagxo. La sanktulo informis siajn 500 lernantojn: "Tio estas bona ekzercado por vi. Matenmangxu pli frue en la sekva mateno kaj iru al la vilagxo por la religia servo. Kiam vi revenos, alportu mian porcion de oferajxoj kune kun la viaj."

　　La lernantoj vekigxis frue en la sekva mateno. Ili vekis la kuristinon de la lernejo kaj petis sxin kuiri kacxon kiel matenmangxon. Sxi iris en mallumo al la stako de brulligno. Sxi prenis la plej supran faskon de la mallaboremulo. Sxi portis gxin en la kuirejon kaj klopodis estigi fajron por la kuirado. Sed kvankam sxi blovis kaj blovis, sxi ne sukcesis elfari fajron. La brulligno estis verda kaj malseka.

　　Kiam levigxis la suno, ankoraux ne estigxis la fajro por la kuirado. La lernantoj kriis: "Ni malfruigxos al la ceremonio." Do ili iris al la instruisto.

　　La instruisto demandis ilin: "Kial vi ankoraux restas cxi tie? Kial vi ne foriris?" Ili diris al li: "Mallaborema sentauxgulo dormis dum ni laboris. Li grimpis sur arbon kaj vundis sian okulon. Li kolektis nur verdan brullignon kaj jxetis gxin sur la supron de la brullignajxa stako. La kuiristino prenis gxin kaj ne sukcesis fari fajron, cxar la brulligno estas verda kaj malseka. Nun estas tro malfrue por ni iri al la vilagxo."

　　La mondfama instruisto diris: "Malsagxa mallaboremulo kauxzas malfacilajxon al vi cxiuj. Post kiam oni prokrastas hodiaux farendan laboron gxis poste, ili baldaux ekpentos."

　　La moralinstruo estas: "Ne prokrastu hodiauxan laboron gxis morgaux."