Vidi fonton por 69.Obstina Serpento

　　69.  Obstina Serpento

　　[Firmvolo]

　　Iam estis kuracisto, kiu spertis en kuracado de serpentmordo. Iutage lin invitis parenco de viro, kiu estis mordita de mortige venena serpento.

　　La kuracisto diris al ili: "Estas du metodoj por kuraci la mordvundon. La unua metodo estas kuraci gxin per medicinajxo. La alia estas kapti la serpenton, kiu mordis lin, kaj devigi gxin elsucxi sian propran venenon." La familianoj diris: "Ni trovos la serpenton kaj devigos gxin elsucxi la venenon."

　　Post kiam oni kaptis la serpenton, la kuracisto demandis gxin: "Cxu vi mordis tiun cxi viron?" "Jes, mi mordis lin," respondis la serpento. "Bone," diris la kuracisto, "vi devas sucxi vian propran venenon el lia vundo." Sed la obstina serpento respondis: "Elsucxi mian venenon? Ne! Mi neniam tion faris kaj faros!"

　　La kuracisto estigis fajron el lignajxo kaj diris al la serpento: "Se vi ne elsucxos vian venenon, mi jxetos vin en la fajron kaj bruligos vin."

　　Sed la serpento jam faris firman decidon. Gxi diris: "Mi preferas morti!" Kaj gxi ekmovigxis al la fajro.

　　La spertulo pri serpentmordo neniam vidis tian okazajxon antauxe en sia vivo. Li ekkompatis la obstinan serpenton kaj detenis gxin iri en la fajron. Li forigis la venenon el la suferanta vi per siaj medicinajxo kaj sorcxvortoj.

　　La kuracisto admiris firmvolon de la serpento. Li sciis, ke se gxi uzos sian firmvolon en bona konduto, li disvolvos sin mem. Do li instruis al gxi la Kvin Trejnajn Sxtupojn por eviti malbonajn kondutojn. Poste li liberigis gxin kaj diris: "Iru en paco kaj damagxu al neniu."

　　La moralinstruo estas: Firmvolo gajnas respekton.