Vidi fonton por 19. Feo en Banjana-arbo

	19. Feo en Banjana-arbo

	

	[Malbona Promeso]

	

	Antauxe, kaj ecx hodiaux, homoj estas supersticxaj en iuj regionoj. Unu el la supersticxoj estas, ke arba feo aux alia spirito logxas en dika aux neordinara arbo. Ili opinias, ke ili povas pregxi kaj fari promeson al la arba feo por ke li helpu realigi ilian deziron iamaniere. Ili devas plenumi sian promeson, kiam ili opinias, ke la feo jam faris la helpon.

	Iam viro hazarde renkontis dikan banjanon en Urbo Kasio de Norda Hindio. Li tuj ekpensis, ke feo logxas tie. Do li faris pregxon kaj promesis al la arba feo, ke li oferos bestojn al la feo, se la lasta realigos lian deziron.

	Hazarde realigxis lia deziro, sed neniu sciis, cxu pro la helpo de feo aux spirito, aux pro aliaj kauxzoj. La viro certigis al si mem, ke la arba feo jam respondis lian pregxon, do li volis plenumi sian promeson.

	Li decidis fari grandan oferon pro la realigita dezirego. Li alportis multe da kaproj, muloj, kokoj kaj sxafoj. Li kolektis brullignon kaj pretis bruligi la senhelpajn bestojn kiel oferajxon.

	Spirito vivanta en Banjano aperis kaj diris: "Ho, amiko, vi faris promeson, kaj nun vi estas ligita per la promeso. Vi opiniis, ke vi devas plenumi la promeson por vin liberigi. Sed se vi faros tiel teruran mortigon kvankam laux via promeso, la malfelicxa rezulto pusxos vin en pli grandan malliberecon, cxar vi suferos pro mortigo al aliaj vivestajxoj, kaj ecx renaskigxos en la infero La nura metodo por liberigi vin de la estonta kondamno estas rezigni vian malbonan konduton malgraux cxio."

	"Kaj krome, vi pensis, ke mi vere estas feo. Do, kiel vi opiniis, ke mi mangxas viandon? Cxu vi ne auxdis, ke ni feoj prenas pli bonajn mangxajxojn kiaj ambrozio, stelroso kaj sunlumo? Mi bezonas nek viandan nek alian mangxeblan oferajxojn." Poste li malaperis.

	La malsagxulo konsciigxis pri sia eraro. Anstataux fari la malbonan konduton kauxzantan suferan destinon al li en postaj vivoj, li tutkore ekfaris bonan konduton favoran al li kaj aliaj.

	La moralinstruo estas: Estas pli malbone teni malbonan promeson ol fari gxin.